Dez grandes logros científicos que chegarán no 2014.


1. MONOS TRANSXÉNICOS.

 

 

Calcúlase que no 2014 nazan monos transxénicos con deficiencias no sistema inmune ou trastornos cerebrais, cos que poder estudar terapias contra estas enfermidades nos humanos. É un traballo polémico, da man dun equipo de investigación da Universidade de Keio, en Tokio; pero como din os investigadores: necesario, xa que os ratos son un pobre modelo na investigación humana.

 

 

2. PRIMEIRO ATERRAXE SOBRE UN COMETA.

 

O próximo novembro, a nave espacial Rosetta da Axencia Espacial Europea (ESA), será a primeira en aterrar sobre un cometa: o Churyumov-Gerasimenko. A misión pretende estudar dito cometa, para coñecer a importancia destes no orixe da auga na Terra, e a vida.

 

 

3. EXOESQUELETO CONTROLADO POLA MENTE.


 

O proxecto Walk Again ven da man do neurobiólogo Miguel Nicolelis da Universidade de Duke en Durham, Carolina do Norte; e consiste nun exoesqueleto controlado polo cerebro, que permitirá mover as pernas a persoas con lesións da medula espiñal. A inauguración darase no Mundial de Fútbol en 2014.

 

 

 

4. NOVOS FÁRMACOS CONTRA O CÁNCER.


 

Nivolumab e Lambrolizumab, son dous fármacos con anticorpos que poderían supoñer un verdadeiro golpe al cáncer. Conséguese que as propias defensas do paciente acaben coa enfermidade. O estudo está levado acabo por científicos da Universidade de California-Los Ángeles (UCLA), liderado polo español Antonio Ribas.

 

 

5. PEROVSKITA, MINERAL DA ENERXÍA.

 

 

A perovskita é un mineral semicondutor, que converte a luz en enerxía eléctrica. É un material barato e fácil de producir. Os investigadores da Universidade de Oxford están pensando facer paneis solares que custen 10 céntimos por vatio, moito menos que os tradicionais.

 

 

 

 

6. ESPERANZA CONTRA O SIDA.

 

 

Dous equipos de investigación tiveron moi bos resultados en terapias contra o VIH en monos, e neste ano as probarán cos humanos. Tamén se probará o tratamento que curou a unha bebé nacida con este virus en Mississippi.

 

 

 

7. SECUENCIADOR DE ADN EN MINIATURA.

 

 

Chega ao mercado despois de décadas de desenvolvemento, da man da compañía británica Oxford Nanopore, a tecnoloxía en miniatura para secuenciar un xenoma humano completo a gran velocidade, coma un análise de sangre. Dará resultados en tempo real.

 

 

 

8. LOITA CONTRA O CAMBIO CLIMÁTICO.

 

 

Nature seleccionou varios traballos do Grupo Intergubernamental de Expertos sobre o Cambio Climático. Na investigación cítase un gran proxecto de captura e almacenamento de carbono en Canadá.

 

 

9. A ORIXE DO UNIVERSO.

 

 

O satélite Planck da Axencia Espacial Europea (ESA) aportará novos datos sobre o patrón do “fondo de microondas cósmico”, no que se basea o Big Bang. Crese que este foi formado pola inflación do Universo despois dunha explosión, e dise que os seus detalles poderían proporcionar evidencias de ondas gravitacionais que perturbaban o espazo-tempo no Universo temperán.

 

 

10. REXENERACIÓN DE CÉLULAS NAI.

 

A empresa Avanced Cell Technology, empresa de Santa Mónica (California, EEUU), levou a cabo o primeiro ensaio en seres humanos con células nai embrionarias para frear enfermidades oculares. A súa técnica consta de implantar células dun embrión humano, manipuladas, para crecer como células do ollo. Espéranse máis avances neste 2014,  como curar a enfermidade de Stargardt, unha das principais causas da cegueira en xoves.

 

 

WEBGRAFÍA:
Nature.
ABC.
Wikipedia.
RPP.

Esta entrada foi publicada en 1º bacharelato, CCMC. Garda o enlace permanente.

Deixa unha resposta