En teoría debían existir no universo, pero ninguén fora capaz de atopar unha. Con todo, agora un equipo de investigadores españolas localizou o primeiro sistema binario formado por un buraco negro e unha estrela peonza. Na nosa galaxia coñécense máis de 80 estrelas Be (as coñecidas como estrelas ?peonza?) formando sistemas binarios xunto a estrelas de neutróns. Esta estrela, coñecida como MWC 656, atópase na constelación de Lacerta (o Lagarto) a 8.500 anos luz da Terra e cuxa superficie vira a máis dun millón de quilómetros por hora. Analizando detalladamente o espectro das emisións os investigadores obtiveron os datos do acompañante da estrela neste sistema binario. A súa densidade era extraordinariamente alta (entre 3,8 e 6,9 veces a masa solar) o que, tendo en conta que non é visible, só podía ser un buraco negro, apuntan os investigadores. Os científicos cren que non se trata dun feito illado no universo, senón que poderían existir moitos máis sistemas binarios deste tipo. Como apunta Jorge Casares, un dos investigadores implicados no estudo, pensamos que estes sistemas son moito máis abundantes pero difíciles de detectar, xa que os buracos negros aliméntanse do gas expulsado pola estrela Be de forma ‘silenciosa’, é dicir, sen emitir moita radiación.
