Descuberto un irmán grande da Terra

Un equipo internacional de astrónomos acaba de descubrir un planeta moi parecido á Terra que orbita ao redor dunha estrela anana vermella a uns 200 anos luz de nós. Segundo os cálculos científicos ten un peso moi parecido ao da Terra pero o seu diámetro é un 60% maior, o que indica que debe ter unha atmosfera gasosa moi grosa.

“Este planeta podería ter a mesma masa que a Terra, pero certamente non é parecido á Terra”, explica David Kipping, investigador do Centro de Astrofísica Harvard-Smithsonian (EE.UU.). De feito, tendo en conta que tarda en orbitar á súa estrela uns 23 días e que a súa temperatura supera os 100 ºC, o equipo de investigación dubida de que exista a vida tal e como a coñecemos.

Koi-314c, como se bautizou a este planeta, é tan só un 30% máis denso que a auga, o que suxire que está envolto por unha atmosfera de centos de quilómetros de espesor formada principalmente por hidróxeno e helio.

Fonte:http://www.muyinteresante.es/ciencia/articulo/descubierto-un-hermano-gordo-de-la-tierra-741389099950

Esta entrada foi publicada en 1º bacharelato, Atmosfera, CCMC, Cousas interesantes. Garda o enlace permanente.

Deixa unha resposta